- Lyrics
- Album list
- Singer Intro
羅大佑
-
初戀的少年家
Lyricist:武雄 Composer:羅大佑
昨暝對故鄉吹來的風 我想甲心咧痛 姑娘你甘知阮的夢中 誰置叮流清汗 我一路轉彎看到昨央 歸條路起變化 濁濁的水溪洗盡滄桑 流袂到東海岸 初戀的少年家 地動的少年家 浮沉的少年家 姑娘你甘知我的夢中 咱是塊找什貨
風落置咱兜沃著青春 風雲的故鄉啊 咱行過世紀彼場青驚 夢是欲飛去搭 誰為咱點燈等待天光 懷念的厝邊啊 心情像滾滾飛的黃沙 找無巢通靠岸 初戀的少年家 地動的少年家 浮沉的少年家 姑娘你甘知我的夢中 咱是塊號什貨
我猶原決心繼續置這 連大門攏免閂 無論是按怎咱的心肝 總嘛是愛作伴 我舉頭看天天來招我 甲命運扼手霸 咱沿路轢過疼惜的土腳 看時代塊變化 初戀的少年家 地動的少年家 浮沉的少年家 姑娘你甘知我的夢中 咱是塊夢什貨
我舉頭看天天來招我 探頭有根咧湠 我行過每天你踏的土腳 是緣分的對換 初戀的少年家 地動的少年家 浮沉的少年家 台北的少年家 台中的少年家 高雄的少年家 姑娘你甘知我的夢中 咱是塊想什貨 姑娘你甘知我的夢中 咱是塊等什貨
------------------------------------------
6296/《初戀的少年家》Tshoo-luân ê Siàu-liân-ke 羅大佑Lô Tāi-iū
昨暝對故鄉吹來的風 tsa-mê tuì kòo-hiong tshue--lâi ê hong 我想甲心咧疼 guá siūnn kah sim leh thiànn 姑娘你敢知阮的夢中 koo-niû lí kám tsai gún ê bāng-tiong 誰佇咧流凊汗 siáng tī-leh lâu-tshìn-kuānn 我一路轉彎 guá tsi̍t-lōo tńg-uan 看著昨昏 khuànn tio̍h tsa-hng 規條路起變化 kui tiâu lōo khí piàn-huà 濁濁的水溪 lô-lô ê tsuí-khe 洗盡滄桑 sé tsīn tshong-song 流袂到東海岸 lâu bē kàu tang-hái-huānn
初戀的少年家 tshoo-luân ê siàu-liân-ke 地動的少年家 tē-tāng ê siàu-liân-ke 浮沉的少年家 phû-tîm ê siàu-liân-ke 姑娘你敢知阮的夢中 koo-niû lí kám tsai gún ê bāng-tiong 咱是咧揣啥貨 lán sī leh tshuē siánn-huè
風落佇咱兜沃著青春 hong lo̍h tī lán tau ak tio̍h tshing-tshun 風雲的故鄉啊 hong-hûn ê kòo-hiong--ah 咱行過世紀彼場生驚 lán kiânn kuè sè-kí hit tiûnn tshenn-kiann 夢是欲飛去佗 bāng sī beh pue khì tah 誰為咱點燈 siáng uī lán tiám ting 等待天光 tán-thāi thinn kng Find more lyrics at ※ Mojim.com 懷念的厝邊啊 huâi-liām ê tshù-pinn--ah 心情像滾滾飛的黃沙 sim-tsîng tshiūnn kún-kún pue ê n̂g-sua 揣無岫通靠岸 tshuē-bô siū thang khò-huānn
初戀的少年家 tshoo-luân ê siàu-liân-ke 地動的少年家 tē-tāng ê siàu-liân-ke 浮沉的少年家 phû-tîm ê siàu-liân-ke 姑娘你敢知阮的夢中 koo-niû lí kám tsai gún ê bāng-tiong 咱是咧吼啥貨 lán sī teh háu siánn-huè
我猶原決心繼續佇遮 guá iu-guân kuat-sim kè-sio̍k tī tsia 連大門攏免閂 liân tuā-mn̂g lóng bián tshuànn 無論是按怎 bô-lūn sī-án-tsuánn 咱的心肝 lán ê sim-kuann 總嘛是愛做伴 tsóng mā sī ài tsuè-phuānn 我攑頭看天 guá gia̍h-thâu khuànn thinn 天來招我 thinn lâi tsio guá 佮命運遏手把 kah miā-ūn at-tshiú-pà 咱沿路軋過疼惜的塗跤 lán iân-lōo kauh kuè thiànn-sioh ê thôo-kha 看時代咧變化 khuànn sî-tāi teh piàn-huà
初戀的少年家 tshoo-luân ê siàu-liân-ke 地動的少年家 tē-tāng ê siàu-liân-ke 浮沉的少年家 phû-tîm ê siàu-liân-ke 姑娘你敢知阮的夢中 koo-niû lí kám tsai gún ê bāng-tiong 咱是咧夢啥貨 lán sī leh bāng siánn-huè 我攑頭看天 guá gia̍h-thâu khuànn thinn 天來招我 thinn lâi tsio guá 探頭有根咧湠 thàm-thâu ū kin teh thuànn 我行過每工你踏的塗跤 guá kiânn kuè muí-kang lí ta̍h ê thôo-kha 是緣份的對換 sī iân-hūn ê tuì-uānn
初戀的少年家 tshoo-luân ê siàu-liân-ke 地動的少年家 tē-tāng ê siàu-liân-ke 浮沉的少年家 phû-tîm ê siàu-liân-ke 臺北的少年家 Tâi-pak ê siàu-liân-ke 臺中的少年家 Tâi-tiong ê siàu-liân-ke 高雄的少年家 Ko-hiông ê siàu-liân-ke
姑娘你敢知阮的夢中 koo-niû lí kám tsai gún ê bāng-tiong 咱是咧想啥貨 lán sī teh siūnn siánn-huè 姑娘你敢知阮的夢中 koo-niû lí kám tsai gún ê bāng-tiong 咱是咧等啥貨 lán sī teh tán siánn-huè
- Special thanks to W.B. Chen for correcting the lyric.
- Related Links: W.B. Chen
|