- Lyrics
- Album list
- Singer Intro
羅大佑
-
冤家
Lyricist:王武雄 Composer:羅大佑 Arranger:花比傲 合唱:OK男女
是誰人黑白講阮脾氣生做彼呢番 是不是含慢才得屈勢弓假彼呢高 並不是世間粉味的幼秀的絕對長頭鬃 足多愛哭的囉嗦的扮戲的煮飯的攏是男子漢
若不是因為出外的男性摸非愛食辣 是誰人辜負厝內的三頓腥臊塊醃鹽 若中華民國的進步攏是查埔拼暝工 彼真是空嘴哺舌凸肚短命的欺騙咱台灣
△誰給人生 誰乎人生 敢得行法院 誰給人便 誰乎人便 攏嘛不識字 誰是後生 誰是先生 個性若彼硬 海角天邊 已經註定 山崩甲地裂
*是誰人會當解釋哪會先生變後生 是不是因為鬥陣的咱有黑紙寫白字 不通講阮是粉味的幼秀的千金真吃虧 敢是臭屁的龜毛的鴨霸的懶爛的查埔卡值錢
◎誰給人生 誰乎人生 攏嘛著養飼 誰給人便 誰乎人便 敢得相創治 誰是後生 誰是先生 攏嘛著準備 海角天邊 已經註定 夯刀斬未離
Repeat *△◎
不通擱黑白講阮脾氣生做彼呢番
------------------------------------------
722/《冤家》Uan-ke OK男女合唱團OK Lâm-lú Ha̍p-tshiùnn-thuân
是啥人烏白講 sī siánn-lâng oo-pe̍h kóng 阮脾氣生做遐爾番 gún phî-khì sinn-tsuè hiah-nī huan 是毋是頇顢 sī-m̄-sī han-bān 才著屈勢弓甲遐爾懸 tsiah tio̍h khut-sè king kah hiah-nī kuân 並毋是世間粉味的幼秀的 pīng m̄-sī sè-kan hún-bī--ê iù-siù--ê 絕對長頭鬃 tsua̍t-tuì tn̂g thâu-tsang 足濟愛哭的囉嗦的 tsiok tsuē ài-khàu--ê lo-so--ê 搬戲的煮飯的攏是男子漢 puann-hì--ê tsú-pn̄g--ê lóng-sī lâm-tsú-hàn
若毋是因為出外的男性 nā-m̄-sī in-uī tshut-guā ê lâm-sìng 摸飛愛食薟 moo-hui ài tsia̍h-hiam 是啥人辜負厝內的三頓 sī siánn-lâng koo-hū tshù-lāi ê sann-tǹg 腥臊咧豉鹽 tshenn-tshau teh sīnn-iâm 若中華民國的進步 nā Tiong-huâ-bîn-kok ê tsìn-pōo 攏是查埔拚暝工 lóng-sī tsa-poo piànn-mî-kang 彼真是空喙哺舌膨肚短命 he tsin sī khang-tshuì-pōo-tsi̍h phòng-tōo-té-miā 咧欺騙咱臺灣 teh khi-phiàn lán Tâi-uân
誰共人生 siáng kā lâng sinn 誰予人生 siáng hōo lâng sinn 敢著行法院 kám tio̍h kiânn huat-īnn 誰共人偏 siáng kā lâng phinn 誰予人偏 siáng hōo lâng phinn 攏嘛毋捌字 lóng-mā m̄ bat-jī 誰是後生 siáng sī hāu-sinn 誰是先生 siáng sī sian-sinn 個性若遐硬 kò-sìng nā hiah ngī 海角天邊 hái-kak thinn-pinn 已經註定 í-king tsù-tiānn 山崩佮地裂 suann-pang kah tē-li̍h
是啥人會當解說 sī siánn-lâng ē-tàng kái-sueh 哪會先生變後生 ná ē sian-sinn piàn hāu-sinn 是毋是因為鬥陣的 sī-m̄-sī in-uī tàu-tīn--ê Find more lyrics at ※ Mojim.com 咱有烏紙寫白字 lán ū oo-tsuá siá pe̍h-jī 毋通講阮是粉味的 m̄-thang kóng gún sī hún-bī--ê 幼秀的千金真食虧 iù-siù ê tshian-kim tsin tsia̍h-khui 敢是臭屁的龜毛的壓霸的 kám-sī tshàu-phuì--ê ku-moo--ê ah-pà--ê 荏懶的查埔較值錢 lám-nuā ê tsa-poo khah ta̍t-tsînn
誰共人生 siáng kā lâng sinn 誰予人生 siáng hōo lâng sinn 攏嘛著養飼 lóng-mā tio̍h ióng-tshī 誰共人偏 siáng kā lâng phinn 誰予人偏 siáng hōo lâng phinn 敢著相創治 kám tio̍h sio tshòng-tī 誰是後生 siáng sī hāu-sinn 誰是先生 siáng sī sian-sinn 攏嘛著準備 lóng-mā tio̍h tsún-pī 海角天邊 hái-kak thinn-pinn 已經註定 í-king tsù-tiānn 攑刀斬袂離 gia̍h to tsám buē-lī
是啥人會當解說 sī siánn-lâng ē-tàng kái-sueh 哪會先生變後生 ná ē sian-sinn piàn hāu-sinn 是毋是因為鬥陣的 sī-m̄-sī in-uī tàu-tīn--ê 咱有烏紙寫白字 lán ū oo-tsuá siá pe̍h-jī 毋通講阮是粉味的 m̄-thang kóng gún sī hún-bī--ê 幼秀的千金真食虧 iù-siù ê tshian-kim tsin tsia̍h-khui 敢是臭屁的龜毛的壓霸的 kám-sī tshàu-phuì--ê ku-moo--ê ah-pà--ê 荏懶的查埔較值錢 lám-nuā ê tsa-poo khah ta̍t-tsînn
誰共人生 siáng kā lâng sinn 誰予人生 siáng hōo lâng sinn 敢著行法院 kám tio̍h kiânn huat-īnn 誰共人偏 siáng kā lâng phinn 誰予人偏 siáng hōo lâng phinn 攏嘛毋捌字 lóng-mā m̄ bat-jī 誰是後生 siáng sī hāu-sinn 誰是先生 siáng sī sian-sinn 個性若遐硬 kò-sìng nā hiah ngī 海角天邊 hái-kak thinn-pinn 已經註定 í-king tsù-tiānn 山崩佮地裂 suann-pang kah tē-li̍h
誰共人生 siáng kā lâng sinn 誰予人生 siáng hōo lâng sinn 攏嘛著養飼 lóng-mā tio̍h ióng-tshī 誰共人偏 siáng kā lâng phinn 誰予人偏 siáng hōo lâng phinn 敢著相創治 kám tio̍h sio tshòng-tī 誰是後生 siáng sī hāu-sinn 誰是先生 siáng sī sian-sinn 攏嘛著準備 lóng-mā tio̍h tsún-pī 海角天邊 hái-kak thinn-pinn 已經註定 í-king tsù-tiānn 攑刀斬袂離 gia̍h to tsám buē-lī
毋通閣烏白講阮 m̄-thang koh oo-pe̍h kóng gún 脾氣生做遐爾番 phî-khì sinn-tsuè hiah-nī huan
- Special thanks to W.B. Chen for correcting the lyric.
- Related Links: W.B. Chen
|